لما تدفع أونلاين ممكن تتوقع إن العملية بسيطة: تدخل بيانات البطاقة الفلوس تنخصم وتوصل للتاجر.
لكن الواقع؟ الفلو الحقيقي أعقد لأن شبكات الدفع مصممة تحمي كل طرف وتوزع الأدوار بين الأطراف بدقة.
طيب إيش اللي يصير فعليًا؟ 1- أنت تضغط ادفع بعدين الطلب يروح أولا لـ بوابة الدفع (PSP) مثل PayTabs أو Moyasar.
2- بوابة الدفع ما تتواصل مع شبكة البطاقات (Visa / Mastercard / مدى) مباشرة وما تعرف من هو البنك المصدر (Issuer). هي فقط ترسل الطلب إلى البنك المكتسب (Acquirer) (البنك اللي يستقبل فلوس التاجر).
3- البنك المكتسب هو اللي يتواصل مع شبكة البطاقات ويرسل لها الطلب.
4- الشبكة توصل الطلب للبنك المصدر (Issuer bank) إما يوافق أو يرفض ويرجع الرد لنفس المسار العكسي.
طيب ليش الترتيب هذا؟ لأن شبكة البطاقات ما تسمح لأي طرف يدخل مباشرة. اللي يفتح البوابة هو البنك المكتسب لأنه هو الطرف الرسمي اللي يقدر يتكلم مع الشبكة.
باختصار بوابة الدفع بس تمهد الطريق. أما التفاعل الحقيقي يتم بين البنك المكتسب ↔ شبكة البطاقات ↔ البنك المصدر.
فهم المعمارية التقنية مهم جدًا في الفنتك عشان تعرف حدودك وتفهم من يملك القرار ومن إللي مجرد ناقل.
#FinTech #PaymentFlow #PSP #Acquirer #Issuer #Visa #Mastercard #PCI #DigitalPayments
مصدر المنشور
هذا المحتوى نُشر أصلًا كمنشور على LinkedIn. يمكنك فتحه في تبويب جديد.